Flour-de-l'amour
Delphinium ajacis
Ranunculaceae
Àutri noum : Flour-d'amour, Capouchin, Flour-de-capouchin, Guihèume.
Noms en français : Dauphinelle cultivée, Dauphinelle d'Ajax.
Descripcioun :Poulido planto que fai à l'óurigino de flour bluio mai que se pòu trouba en rose o blanc. Es en generau ramificado e se recounèis subretout à si fueio proun divisado en tros prim. S'istavo, à passa tèms en Prouvènço dins li champ de blad, à l'ouro d'aro, èi subretout li formo ourtouliero que se rescontron.
Usanço :La flour-de-l'amour es uno planto proun empouisounanto, subretout li grano, que caup d'alcalouïdo. Ei poussible de se n'en servi pèr tua li pesou. Parèis que li Cherokee la prenien, en tisano, pèr sougna li mau de cor.
Port : Grando erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Delphinium
Famiho : Ranunculaceae
Ordre : Ranunculales
Coulour de la flour :
Bluio
Petalo : irreguliero
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto : 0 à 1200 m
Aparado : Noun
Liò : Escoumbre e proche dis oustau
- Champ
Estànci : Mesoumediterran à Mesoumediterran
Couroulougi : Eurimediterrano
Ref. sc. : Delphinium ajacis L., 1753
(= Consolida ajacis (L.) Schur, 1853 )
Froumentalo
Arrhenatherum elatius
Poaceae Graminaceae
Àutri noum : Froumentau, Fenasso, Froumentano, Paiolo, Estamino.
Noms en français : Fromental, Fenasse.
Descripcioun :La froumentalo es uno planto coumuno de nòsti champ, prado e ribo de camin. Li fueio soun plano e sènso péu, la lengueto courto. La paumo (paniculo) èi lacho. Fau bèn regarda, amé uno lùpi que lis espiguet siegon à dos flour, aquelo de dessouto, en generau masclo e emé uno longo arèsto, e la de dessubre, ermafroudito, emé uno arèsto courteto (fotò).
Usanço :Es uno bono planto pèr lou fen.
Port : Grando erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Arrhenatherum
Famiho : Poaceae
Famiho classico : Graminaceae
Ordre : Poales
Coulour de la flour :
Verdo
Petalo : ges
Ø (o loungour) flour : Pancaro entresigna
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Liò : Prado umido
- Camin
Estànci :
Pancaro entresigna
Couroulougi :
Pancaro entresigna
Ref. sc. : Arrhenatherum elatius (L.) P.Beauv. ex J.Presl & C.Presl, 1819
